Ներքին գործերի նախարարությունը Պարեկային ծառայության ձևավորմամբ հասել է համակարգում կոռուպցիոն ռիսկերի նվազեցման թիրախին: Գերատեսչությունը բարեփոխումներ է իրականացրել և իրականացնում նաև մի շարք ուղղություններով՝ փրկարար ծառայության արդիականացումից մինչև կենսաչափական նոր համակարգի ներդրում:

«Արմենպրես»-ի՝ Հարկ վճարողի օրվա առիթով իրականացվող փոդքասթային շարքի շրջանակում Ներքին գործերի նախարար Արփինե Սարգսյանը ներկայացրեց նախարարության կողմից իրականացվող ծրագրերը, բարեփոխումներն ու դրանց արդյունքները:

Մայիսը գլխուղեղի քաղցկեղի իրազեկման ամիսն է: Հայաստանի Հանրապետությունում տարեկան հայտնաբերվում է 170-ից 250 գլխուղեղի քաղցկեղի առաջնային դեպք: Ցավոք, վերջին տարիներին, ինչպես ամբողջ աշխարհում, Հայաստանում նույնպես կա ընդհանուր ուռուցքային հիվանդությունների աճ: 

«Արմենպրես»-ի «Հարց բժշկին» նախագծի շրջանակում  ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնի Նեյրոօնկոլոգիական բաժանմունքի բժիշկ-նեյրովիրաբույժ, վիրահատարանի ղեկավար Աննա Կիզոկյանի հետ զրուցել ենք գլխուղեղի քաղցկեղի տեսակների, առաջացման պատճառների, կանխարգելման և մի շարք այլ կարևոր հարցերի մասին:  

Մասնագետը նշեց, որ գլխուղեղի ուռուցքները լինում են բուն գլխուղեղում առաջացած ներուղեղային ուռուցքներ, արտաուղեղային ուռուցքներ, որոնք առաջանում են ուղեղի թաղանթներից և հարակից ոսկրային կառուցվածքներից։  Լինում են նաև երկրորդային գլխուղեղի ուռուցքներ, որոնք առաջանում են որևիցե օրգան համակարգում առաջացած քաղցկեղից:  

Հանրակրթական դպրոցներում անգլերենի ուսուցման որակն ապահովելու համար անհրաժեշտություն է առաջանում տվյալ ժամանակներին համահունչ բովանդակային  և տեխնիկական վերազինում իրականացնել։ Բարեփոխումը միտված է լեզվի տիրապետումը դպրոցահասակների համար ավելի մատչելի և գրավիչ դարձնելուն։ 

Երկրորդ տարին անընդմեջ ՔՈԱՖ-ի մշակած անգլերենի դասագրքերը հաղթող են ճանաչվել ՀՀ կրթության, գիտության, մշակույթի և սպորտի նախարարության կողմից հայտարարված բաց մրցույթում։

«Հայաստանի մանուկներ» հիմնադրամի  անգլերենի ծրագրերի ղեկավար Աննա Առաքելյանի հետ «Արմենպրես»-ի Podcast-ի տաղավարում զրուցել ենք դասագրքերի առավելություններից ու ուսուցիչների վերապատրաստման ծրագրերից։  

Հայաստանի ֆուտբոլի ազգային թիմի նախկին ավագ, հայկական ֆուտբոլի բոլոր ժամանակների լավագույն ֆուտբոլիստներից մեկը` Հենրիխ Մխիթարյանը, կարիերայում երկրորդ անգամ դուրս է եկել ակումբային ֆուտբոլի ամենահեղինակավոր մրցաշարի` Չեմպիոնների լիգայի եզրափակիչ:«Արմենպրես»-ի Podcast-Sport-ում հյուրընկալել ենք մարզական լրագրող ու մեկնաբան Արման Աբելյանին, որի հետ խոսել ենք Չեմպիոնների լիգայի կիսաեզրափակիչ խաղերից, «Ինտեր»-ի գլխավոր մարզիչ Սիմոնե Ինձագիից, Հենրիխ Մխիթարյանից, որը երկրորդ անգամ կմասնակցի Չեմպիոնների լիգայի եզրափակիչ խաղին:«Հենրիխ Մխիթարյանն ուղղակի սիրում է ֆուտբոլը: Գուցե, սա պարզ բան է թվում, բայց երբ նայում ես ֆուտբոլի շուրջ գտնվող մարդկանց, հասկանում ես, որ շատերն այդպիսի նվիրվածություն չունեն մարզաձևին»,-ասաց Աբելյանը: 

Հայաստանի առաջատար տեխնոլոգիական և նորարարական ֆորումը՝ «Silicon Mountains-ը, վերադառնում է՝ համախմբելով ոլորտի  առաջատարներին Հայաստանից և  ամբողջ աշխարհից:  

Silicon Mountains 2025 ֆորումի շրջանակում  տեղական և միջազգային փորձագետները կկիսվեն իրենց տեսլականներով տնտեսության տարբեր ճյուղերում թվայնացման վերաբերյալ և արհեստական բանականության դարաշրջանում կիբեռանվտանգության աճող նշանակության մասին:   

Silicon Mountains-ի ստեղծման գաղափարի, հիմնական նպատակի,  անցած ճանապարհի և 2025 թվականի մայիսի 15–ին  Լոռիում անցկացվելիք  ֆորումի ժամանակ քննարկվելիք թեմաների մասին «Արմենպրես»-ը զրուցել է  Տեղեկատվական և հաղորդակցության տեխնոլոգիաների  (ՏՀՏ) գործատուների միության գործադիր տնօրեն, «Օնեքս» ընկերության համահիմնադիր Էդուարդ Մուսայելյանի հետ:

Հայաստանն անում է ամեն ինչ՝ մինչև այս տարեվերջ նոր կառուցվելիք ատոմակայանի մոդելի ընտրության հարցն ամբողջականացնելու համար: Ուսումնասիրում են առկա առաջարկները, Հայաստանը բաց է նաև նոր առաջարկների համար: Նոր ատոմակայանը, նախատեսվում է, որ կկառուցվի այս պահին գործող Մեծամորի ատոմակայանի տարածքում:  «Արմենպրես»-ի՝ Հարկ վճարողի օրվա առիթով իրականացվող փոդքասթային շարքի շրջանակում այս մասին ասաց Տարածքային կառավարման և ենթակառուցվածքների նախարար Դավիթ Խուդաթյանը՝ ներկայացնելով նաև նախարարության կողմից իրականացվող այլ ծրագրերը, ԵՄ ավիացիոն «սև ցուցակ»–ից դուրս գալու ուղղությամբ իրականացված աշխատանքներն ու սպասվող արդյունքները:

Կրծքագեղձի քաղցկեղը կանանց շրջանում վերջին տարիներին ամենաշատ հանդիպող ուռուցքներից է, սակայն վաղ հայտնաբերման դեպքում այն հնարավոր է լիարժեք բուժել և բուժառուին վերադարձնել բնականոն կյանք: Կրծքագեղձի քաղցկեղը վաղ հայտնաբերելու լավագույն մեթոդն այսօր համարվում է մամոգրաֆիկ հետազոտությունը, իսկ գոյացության ճշգրիտ տեսակը ախտորոշելու  մեթոդը՝ բիոպսիան:

«Արմենպրես»-ի «Հարց բժշկին» նախագծի շրջանակում  «Աստղիկ» ԲԿ-ի մամոգրաֆիայի ծառայության ղեկավար, ռադիոլոգ Նունե Մաշուրյանի հետ զրուցել ենք, թե ե՞րբ է պետք իրականացնել մամոգրաֆիա և ո՞ր տարիքից, ո՞րն է ուլտրաձայնային հետազոտության և մամոգրաֆիայի տարբերությունը,  ո՞րն է նախընտրելի, ի՞նչ է բիոպսիան և ի՞նչ միֆեր կան այս հետազոտության շուրջ: 

Հայաստանի ազատ ոճի ըմբշամարտի հավաքականի համար մրցաշրջանի առաջին հատվածը եզրափակվեց Եվրոպայի առաջնությամբ: 

«Արմենպրես»-ի Podcast-Sport-ի հյուրը Եվրոպայի առաջնության քառակի չեմպիոն, արծաթե մեդալակիր, աշխարհի առաջնության եռակի բրոնզե մեդալակիր ըմբիշ Արսեն Հարությունյանի հետ խոսել ենք Եվրոպայի առաջնության արդյունքների, հավաքականի ներուժի ու միջազգային խոշոր մրցաշարերում հայ մարզիկների բացթողումների մասին:

Երևանում մայիսի 7-11-ը կկայանա կարատեի Եվրոպայի մեծահասակների հոբելյանական` 60-րդ առաջնությունը:

«Արմենպրես»-ի Podcast-Sport-ում հյուրընկալել ենք Հայաստանի կարատեի ազգային ֆեդերացիայի նախագահ Վազգեն Հարությունյանին, որի հետ խոսել ենք մրցաշարի նախապատրաստական աշխատանքներից, Հայաստանի հավաքականի հնարավոր մրցակիցներից: 

Դատավարությունների՝ անգամ տարիներով ձգձգման խնդիրը լուծելու, դատական գործերը բեռնաթափելու նպատակով կառավարությունը պատրաստվում է սահմանել դատական գործերի քննության կոնկրետ ժամկետներ, տարբեր բարդության գործերի համար ժամանակահատվածը կլինի տարբեր:

«Արմենպրես»-ի՝ Հարկ վճարողի օրվա առիթով իրականացվող փոդքասթային շարքի շրջանակում այս մասին ասաց Արդարադատության նախարար Սրբուհի Գալյանը՝ ներկայացնելով գերատեսչության կողմից իրականացվող ծրագրերն ու արդյունքները: